Die gemeente het ‘n baie aktiewe groep Senior Lidmate [bo 60] wat bekend staan as Die Silwerdoppers. Hulle vergader elke tweede Woensdag van die maand en reel verskeie aktiwiteite soos uitstappies, speletjies, etes en ‘n jaarlikse besoek aan die Nasionale Kruger Wildtuin.  Verder hou hulle elke laaste Vrydag van die maand ‘n verkoping as fondsinsameling vir hulle wildtuin besoek. Hulle vorm ook ‘n sterk ondersteuningsgroep vir die ouer lidmate van die gemeente.

Bestuur:

Voorsitter : Dewald Hattingh     082 460 3237

Tesourier : Elmaree Peyper      082 795 9630

 

NWU PUK-Koor

Die NWU PUK-Koor is op toer met nuwe liedere.  Hulle tree op Saterdag 30 Junie om 18:00 by die Kerkgebou van GK Pietersburg op. 

Kaartjies verkoop @ R50-00.  Daar is sop en 'n broodjie ingesluit. 

Adverteer asb. by julle skole en besighede.  Stuur vir julle vriende aan, sodat ons soveel as moontlik mense kan betrek.  Ek weet dit is vakansie.   

Dit is 'n fondsinsameling vir ons Seniors wat na die Wildtuin toer.  Die koor tree min hier in die Noorde op en is uitstekend.